لعبة فانتازى البرمييرليغ
معظم الناس اللى بتتابع الدورى الانجليزى بتلعب فنتازى .
وبعض الناس بتحب الدورى الانجليزى بس مجربوش يلعبوا اللعبه أو يدخلوا عليها ..
كلامنا النهارده للى ملعبش فانتازى ولا يعرف يعنى ايه فانتازى .
ايه هو موقع فانتازى ؟
موقع فانتازى ده موقع رسمى تابع للبريميرليج.
طب بيعمل ايه الموقع ده ؟
الموقع ده عامل لكل لاعب سعر على أساس تألقه .
وبيوفر ليك ١٠٠ مليون تعمل بيهم تشكيله مكونه من ١٥ لاعب
طيب وبعدين ؟
بص يا سيدى اللاعبين دول لو تألقوا انت بتاخد نقاط وعلى أساس النقاط دى بيتحدد مركزك ف مصر والعالم من بين كل اللى بيلعبوا اللعبه .
الموقع بيقدم هدايا اسبوعيه للاوائل على كل جوله .
.....
طيب انا هاخد النقط على أساس ايه ؟
نيجى لاول حاجه الأهداف .
لو المهاجم سجل هدف ................ ٤ نقاط
لو خط الوسط سجل هدف ............ ٥ نقاط
لو المدافع سجل هدف ......... ....... ٦ نقاط
لو الحارس سجل هدف .............. ٦ نقاط
هتقولى اشمعنا المهاجم ٤ والمدافع ٦ .
لان المهاجم وظيفته الاساسيه أنه يسجل الأهداف والمدافع نادرا لما يسجل .
تانى حاجه بقى صناعه اللعب ( الاسيستات )
أى لاعب بيعمل أسيست ....... ٣ نقاط .
نيجى للكلين شيت .
لو الفريق عمل كلين شيت .
المدافع والحارس ...... ٤ نقاط
خط الوسط ............ نقطه واحده
الهجوم ...... مفيش .
.......................
أى لاعب لو شارك ٦٧ دقيقه بتاخد عليه نقطتين .
..
وزى ما بتاخد نقط بيتخصم منك نقط.
..
وزى ما بتاخد نقط بيتخصم منك نقط.
- لو اللاعب اخد انذار بيتخصم نقطة.
- لو الفريق دخل فيه جولين بيتخصم من الحارس والمدافعين نقطة، لو أربعة أجوال، يتخصم نقطتين، وهكذا.
- لو اللاعب اتطرد بيتخصم تلت نقط.
- لو ضيع ضربة جزاء بيتخصم تلت نقط.
طيب إزاى بقى أسجل فى الموقع ده
هتكتب fantasy على جوجل هتظهر ليك الصفحه دى
هتضغط على علامة الفيس بوك تسجل بنفس الاكونت بتاعك بتاع الفيس .
٢/
هتظهر ليك قائمه مكونه من ١٥ لاعب تبدأ تضغط على كل مركز وتختار فيه لاعب
ولازم التشكيله تبقى ب ١٠٠ مليون بس لو اكتر الموقع مش هيقبلها
......
ومتنساش تحط ابو مكه وتعمليه كابتن الفريق 😂♥️
........
وده نموذج لتشكيله معموله للموسم ده .
تعليقات
إرسال تعليق