الجولة التانية من البرمييرليغ، تجيب مين فى الفانتازى، اختيار الكابتن، وتوقعات الماتشات

هتبدأ الجولة التانية من الفانتازى يوم السبت، والسبت الممتاز كالعادة فى ماتشات كتيرة، وبيكون يوم جميل جداً على عشاق البرمييرليغ.

• مباراة ارسنال وبيرنلى

افتتاحية اليوم في الواحدة والنصف ظهراً، مع ماتش ارسنال وبيرنلي.
هيكون ماتش صعب علي ارسنال لأن فريق بيرنلي بيجيد التقفيل الدفاعي كويس جداً وكمان عنده اشلي بارنز وكريس وود ممكن يسببه ازعاج، لكن أتوقع تنتهي المباراة بفوز ارسنال 2-0.
تجيب مين في الماتش ده في تشكيلتك ؟، هات اوباميانج وميتلاند نيلز من ارسنال.
                       ............................................
بعد مباراة ارسنال هيكون فيه خمس مباريات الساعة اربعة.

• مباراة ساوثهامبتون وليفربول

رغم أن ليفربول هيلعب المباراة خارج ملعبه، إلا أنها هتكون مهمة سهلة على صلاح ورفاقه، لأنهم هيلعبوا أمام فريق بلا أنياب ودفاعه ضعيف جداً، أتوقع فوز ليفربول 4-0.
وعليك تجيب ثلاثى من ليفربول، صلاح وفيرمنيهو، وارنولد أو روبرتسون.

• مباراة استون فيلا وبورنموث

مباراة على ملعب الفيلا، أتوقع يكون فيها تقفيل دفاعى من الفريقين وندية عالية ما بينهم على أرض الملعب، وأتوقع التعادل 1-1.هات كالوم ويلسون أو كينج من بورنموث، محمود تريزيجيه من أستون فيلا.

• مباراة برايتون وويست هام 

مع مدرب برايتون الجديد جراهام بوتير، الفريق بيقدم مزيكا على أرضية الملعب، وعنده حلول هجومية كتير، وفى ظل تفكك ويستهام الدفاعى، أتوقع فوز برايتون 3-1.
هات موراى و جروس من برايتون.

• مباراة ايفرتون وواتفورد

رغم أن ايفرتون اتعادل سلبياً مع كريستال بالاس فى مباراته الأولى، لكنه أضاع فرص كتيرة جداً، ومع ضعف خط وسط ودفاع واتفورد، أتوقع فوز ايفرتون 4-0.
هات سيجاردسون و ريتشارلسون ولوكاس دين من ايفرتون، وممكن تغامر وتعتمد على موسى كين

• مباراة نورتيش سيتى ونيوكاسل يونايتد

رغم الخسارة برباعية أمام ليفربول، إلا أن نوريتش سيتى أظهر مستوى هجومى كويس فى المباراة، علشان كده أتوقع فوز نوريتش سيتى 2-1.
هات تيمو بوكى، بيونديا من نوريتش سيتى.

                          ..............................................

وفى نهاية السبت الممتاز موعدنا مع السهرة والمباراة اللى دايماً بتشهد ندية عالية، فى السادسة والنصف مساءاً

• مباراة مان سيتى وتوتنهام

مباراة دائماً بتكون خارج التوقعات وغزيرة بالأهداف، أتوقع فوز السيتى 3-1.
ممكن تجيب أجويرو أو سترلينج من السيتى، وهارى كين من توتنهام.

                           ............................................

يوم الأحد هنكون على موعد مع مبارتين فى البرمييرليغ

• مباراة شيفيلد يونايتد وكريستال بالاس

المباراة هتكون الثالثة ظهراً، الفريقين أظهروا أسلوب دفاعى قوى جداً فى المباراة الأولى، أتوقع تنتهى المباراة بتعادل سلبى، أو خطف أحد الفريقين لهدف.

هات فان انهولت، كيلى من كريستال بالاس، لوند سترام من شيفيلد يونايتد.

• مباراة تشيلسى وليستر سيتى 

المباراة هتكون فى الخامسة والنصف مساءاً، رغم خسارة تشيلسى 4-0 أمام المانيو، إلا أن الفريق عبر عن أسلوب لعبه إلي حد ما، ولكن مع التنظيم الدفاعى من جانب ليستر واللعب على المرتدات، تشيلسى هيواجه مشاكل كبيرة. لكن أتوقع التعادل 2-2.

هات تامى ابراهام أو بيدور من تشيلسى، جيمى فاردى أو بيريز من ليستر.

                               .......................................

ونهاية الجولة مساء الاتنين وسهرة كروية جميلة فى التاسعة مساءاً.

• مباراة ولفرهامبتون ومان يونايتد

دايماً مباراتهم مع بعض، بتشهد أهداف كتيرة، رغم قوة الفريقين الدفاعية، مع مستوى اليونايتد فى المباراة الأولى هتكون مباراة خارج التوقعات.

تقدر تجيب راشفورد أو مارسيال من المانيو، خمينيز من الوولفز.

                                .....................................

ده تلخيص سريع للجولة، ودلوقتى مع اختيار الكابتن للفانتازى.

• محمد صلاح الإختيار المضمون والأمثل
• أوباماينج إختيار جيد إلى حد ما
• تيمو بوكى أو سيجاردسون الإختيار اللى فيه مجازفة